கோவை பெரியநாயக்கன்பாளையம் அருகே தனியார் நிலத்தில் சுற்றித்திரிந்த 4 மாதமான யானை குட்டியை மீட்டு தாயிடம் சேர்த்த வனத்துறையினர்
கோவை மாவட்டத்தின் மேற்கு பகுதிகள் முழுமையாக மேற்கு தொடர்ச்சி மலையால் சூழப்பட்டுள்ளது. கேரளாவின் நுழைவு பாதைகளில் மட்டும் ஆங்காங்கே கணவாய்கள் உள்ளது. முழுமையாக அடந்த வனப்பகுதிகள் கேரளாவை ஒட்டி கோவை மாவட்டத்தில் காணப்படுகிறது. இங்கு ஏராளமான புலி, சிறுத்தை, கரடி, யானை, காட்டுமாடு உள்பட ஏராளமான வனவிலங்குகள் இருக்கின்றன..குறிப்பாக யானைகள் அதிக அளவில் உள்ளன. யானைகள் வழித்தடமே கோவையை ஒட்டிய மேற்கு தொடர்ச்சி மலைப்பகுதிகளில் இருக்கிறது. யானைகளின் முக்கியமான வாழ்விடமாகவும் கோவை மாவட்ட வனப்பகுதிகள் உள்ளன. இன் நிலையில் கோவை மாவட்டம் பெரியநாயக்கன்பாளையம் ரேஞ்ச், நாய்க்கன்பாளையம் தெற்கு பீட் கோவனூர் கிராமம் அருகே உள்ள காப்புக்காடு எல்லைக்கு வெளியே உள்ள காஸ் குடோன் அருகே சுமார் 3 மாத வயதுடைய ஆண் யானைக் குட்டி ஒன்று கைவிடப்பட்ட நிலையில் காணப்பட்டது. உடனடியாக பெரியநாயக்கன்பாளையம் ரேஞ்ச் களப்பணியாளர்கள் சம்பவ இடத்திற்கு விரைந்து சென்று யானைக்குட்டியை மீட்டனர். இச்சம்பவம் குறித்து கோவை டி.எஃப்.ஓ., வன பாதுகாவலர் மற்றும் கள இயக்குனர் ஏ.டி.ஆர்., அவர்களுக்கு தகவல் கொடுக்கப்பட்டது அதிகாரிகளின் அறிவுறுத்தலின் பேரில், ஆனைமலை புலிகள் காப்பகத்தில் இருந்து சிறப்பு யானை கண்காணிப்பு குழு வரவழைக்கப்பட்டது. இதற்கிடையில், கோயம்புத்தூர் வன கால்நடை மருத்துவ அலுவலர் மேற்பார்வையில் யானைக் குட்டியை கண்காணித்து, இளநீர், குளுக்கோஸ், லாக்டோஜன் ஆகியவற்றைக் யானை குட்டிக்கு கொடுக்கப்பட்டது இதையடுத்து பெரியநாயக்கன்பாளையம் ரேஞ்ச் களப்பணியாளர்கள், கோயம்புத்தூர் ரேஞ்ச் களப்பணியாளர்கள்,
ஆனைமலை புலிகள் காப்பகத்தின் சிறப்பு யானை கண்காணிப்பு குழுவும் என 3 தனிப்படைகள் யானைகள் கூட்டம் இருக்கும் இடத்தை கண்டறியும் பணியில் ஈடுபடுத்தப்பட்டது. தீவிர தேடுதலுக்குப் பிறகு, நாய்க்கன்பாளையம் தெற்கு அடிக்கின் புளியந்தோப்பு சரகம் அருகே 4 பெண் பெரியவர்கள் மற்றும் 1 சிறுவர்கள் அடங்கிய யானைக்கூட்டம் அடையாளம் காணப்பட்டு, மீட்கப்பட்ட கன்றுக்குட்டி இன்று மாலை 6.00 மணியளவில் மீண்டும் கூட்டத்துடன் இணைக்கப்பட்டது. மீட்கப்பட்ட யானைக் குட்டியை யானைக்கூட்டம் ஏற்றுக்கொண்டது. மேலும் யானைக்கூட்டம் மீண்டும் ஒன்று சேர்ந்த ஆண் யானைக்குட்டியின் நிலையை கண்டறிய 3 தனிப்படைகள் உதவியுடன் யானைக்கூட்டம் கண்காணிக்கப்பட்டு வருகிறது.
நமது செய்தியாளர் வடிவேல்
Tags:
Kovai elephant