திருச்சூர் அருகே புள்ளிமானை கால்களை கட்டப்பட்ட நிலையில் கட்டி அணைத்தவாறு வீடியோ புகைப்படம் எடுத்துக் கொண்டவர்கள் மீது வழக்கு பதிவு செய்தனர் கேரளா வனத்துறையினர்
திருச்சூர் பாலப்பிள்ளியில் மானை கட்டிப்போட்டு புகைப்படம் எடுத்த வழக்கில் குற்றவாளிகளில் ஒருவரை வனத்துறையினர் வியாழக்கிழமை கைது செய்தனர். கைது செய்யப்பட்டவர் திருவனந்தபுரம் ஆம்பூரியைச் சேர்ந்த வினோத் (48) என்பது தெரியவந்தது. இந்த சம்பவம் தொடர்பாக 4 பேர் மீது வனத்துறையினர் வழக்குப்பதிவு செய்தனர். திருவனந்தபுரத்தைச் சேர்ந்த ஷிபு, சந்தோஷ் குமார், ஹரி ஆகிய மற்ற குற்றவாளிகள் இன்னும் தலைமறைவாக உள்ளனர்.
பாலப்பிள்ளி தோட்டத்திற்கு ஒப்பந்த அடிப்படையில் மரங்களை வெட்ட வந்த குழுவில் வினோத் இருந்துள்ளார். ஆகஸ்ட் 6-ம் தேதி இந்தச் சம்பவம் நடந்தது. மானைப் பிடித்து, கட்டிப்போட்டு போட்டோக்கள், வீடியோக்கள் எடுத்தனர். இந்த வீடியோ சமூக வலைதளங்களில் வைரலானதை அடுத்து, பாலப்பில்லி வனத்துறையினர் வழக்கு பதிவு செய்தனர். குற்றவாளியை நீதிமன்றத்தில் ஆஜர்படுத்திய பின்னர் நீதிமன்ற காவலில் வைக்கப்பட்டார்.
நமது செய்தியாளர் திருச்சூர் :Faisal